Inici | Fotos de la manifestació

català | esperanto | occitan



Per dignitat,

occitan lengua nacionau


Occitània que compren eth tèrç sud der estat francés, era Val d'Aran en principat de Catalonha, 12 vals aupines en Piemont e eth principat de Monègue. Era lengua occitana sonque gaudís d'arreconeishement oficiau ena val d'Aran e per estenduda en tot eth Principat de Catalonha. Ena major part deth territòri occitan, era lengua non a cap sòrta d'arreconeishement.

Es occitanes e occitans exprimissen aguest 17 de març en Besièrs ua reivindicacion plan legitima, aquera dera dignificacion dera sua lengua ena sua totalitat, non sonque en ambit familhar senon tanben en estudi, ena premsa, ena ràdio, ena television...

Actuauments era Republica francesa que nègue aguest dret as occitans e se nègue a signar era carta europèa des lengües. Er article 2 dera constitucion francesa qu'afirme qu'era unica lengua der estat b'ei eth francés. Açò que vò díder que legaument, ne er occitan, ne cap auta lengua des parlades ena republica coma eth catalan, eth basc, eth francoprovençau, eth breton, er alsacian, eth còrs o eth flamenc existissen pas. Totara, es occitanes e occitans non an cap arren lòc sociau a on víuer en occitan.

Er Institut d'Estudis Occitans que trabalhe en favor dera lengua d'òc des de hè mès de 60 ans e qu'ei pleament capable d'amiar a tèrme un procès de normalizacion e dignificacion der occitan. Tad aquerò, tot çò qui cau qu'ei era volentat politica.

Era manifestacion d'aguest dissabte a Besièrs qu'ei convocada per tot un piéler d'associacions, entitats e collectius que coïncidissen en demanar era dignitat qu'era lengua occitana merite, autant a nivèu sociau, coma a nivèu educatiu e de mejans de comunicacion.

Mès informacion sus http://www.manifestarperloccitan.com/
Que podetz vèir tanben es vidèos dera passada manifestacion en Carcassona:
- Era manifestacion
- Eth hestivau, ath vrespe

Per coeréncia,

esperanto lengua internacionau


Es parlants dera lengua internacionau esperanto, a part des inquietuds personaus de cadun, que mos unís er ideau dera ecologia lingüistica, qu'ei a díder, que totes es lengües dera planeta convisquen en plea egalitat. Dauant es imperialismes lingüistics, autant a nivèu globau coma a nivèu des estats, que defenem totes es lengües deth mon egalaments, pr'amor que totes be meriten eth madeish respècte e dignitat.

Que volem mòir-mos peth mond damb plea libertat e egalitat damb sòrres e hrairs d'auti pòbles e cultures, mès non damb aquera egalitat qui mos diden es agéncies de viatge, ne damb aquera libertat qui mos diden quauques empreses. Totun que volem sautar-mos totes es termières politiques entà endintrar-mos en mond reau dera diuersitat e riquesa des pòbles deth mond, pr'amor que volem gaudir naues experiéncies, que volem apréner naues idèes e filosofies, e tanben repotegar en d'autes lengües.

Dauant era situacion que viu era lengua occitana, es esperantistes catalans e valencians, que dam plen supòrt ara manifestacion de Besièrs, non sonque en tot signar eth manifèst de supòrt, senon tanben en tot participar-i actiuaments e en tot bastir aguesta pagina en internet per atau informar ath mond entièr qu'eth pòble occitan demane dignitat entara sua lengua e entara sua cultura.



Editar - Edita la columna - Versió per imprimir