Associació Catalana d'Esperanto


Notícies

Inici > Actualitat > Notícies > Comunicat d’Esperanto*Cat en sosten a Dàvid Grosclaude, en cauma dera hame (...)

Comunicat d’Esperanto*Cat en sosten a Dàvid Grosclaude, en cauma dera hame per occitan

Comparteix

Eth conselhèr regionau d’Aquitània Dàvid Grosclaude ei en cauma dera hame dempús deth 27 de mai passat, en tot reclamar qu’er estat e desblòque era creacion d’un ofici public pera lengua occitana, ua decision aprovada ara unanimitat pes conselhs regionaus d’Aquitània e Meddia-Pirenèus, mès qu’er estat francés e bloquège en sòn abituau mensprètz envèrs es politiques que tanhen es lengües nacionaus de França ath delà deth francés.

Er Ofici Public dera Lengua Occitana deu èster un organisme public qu’aurà eth prètzhèt de definir ua politica publica en favor der occitan a escala de mès d’un territòri, damb era tòca de hèr trabalhar amassa es collectivitats e es operators sus eth terren. Ei a díder, ua hiestreta unica entà Occitània tota ath marge des divisions regionaus, en çò que tanh as ahèrs de lengua. Organismes similars existissen en País Basc e en Bretanha.

Deuant tot açò, era Associacion Catalana d’Esperanto

  • Sosten era accion de Dàvid Grosclaude e ne manifèste era sua solidaritat
  • Demane as autoritats catalanes, araneses e dera rèsta d’Occitània que sostenguen a Grosclaude
  • Demane ar estat francés que prene eth compde era revendicacion de Grosclaude
  • Demane ar estat francés un replantejament des sues politiques lingüicides e culturicides
  • Demane as entitats prò-drets umans deth mond que denóncien eth hèt e que passen ara accion

Era Associacion Catalana d’Esperanto compren es drets lingüistics coma complement indissoluble des drets umans, era diuersitat lingüistica coma ua part essenciau dera diuersitat culturau e eth dret ara comunicacion plea entre persones de lengües diferentes coma mejan de superacion des prejutjats vèrs era cultura dera patz.

Entà sostier

Entà mès informacion