Celoj kaj Valoroj

La Kataluna Esperanto-Junularo (KEJ) havas kiel ĉefajn celojn kunigi junajn esperantistojn de la katalunlingvaj teritorioj kaj krei spacon por renkontiĝo, interŝanĝo kaj partopreno. Ni volas esti referenca medio por junuloj interesitaj pri Esperanto, antaŭenigante kunlaboron kaj komunan agadon inter homoj kiuj kundividas ĉi tiun lingvon kaj ĝiajn valorojn.

Samtempe ni strebas diskonigi, instrui, uzi kaj antaŭenigi Esperanton kaj ĝian kulturon inter la junularo. Ni konsideras Esperanton ilo je la servo de junuloj kaj laboras por ke ĉiam pli da homoj ekkonu kaj uzu ĝin en diversaj kampoj. Tiusence ni ankaŭ instigas niajn membrojn aktive partopreni en la esperantista movado kaj engaĝiĝi en ĝiaj iniciatoj.

Alia el niaj celoj estas aktive kunlabori kun la monda junulara esperantista movado. Ni volas faciligi la partoprenon de junuloj el la Kataluna Landaro en internaciaj iniciatoj kaj tiel kontribui al la disvolviĝo de junulara reto bazita sur la uzo de Esperanto kaj sur kultura interŝanĝo.

Same ni laboras por konigi internacie la realon kaj kulturon de la Kataluna Landaro. Ni komprenas Esperanton kiel ilon kiu ebligas al ni projekcii tiun realecon preter nia tuja medio kaj konstrui pontojn kun aliaj lingvaj kaj kulturaj komunumoj.

Por atingi tiujn celojn, ni uzas Esperanton je la servo de la junularo kaj instigas niajn membrojn aktive partopreni en la esperantista movado. Ni organizas renkontiĝojn, ekskursojn, kongresojn, seminariojn kaj aliajn agadojn, kiujn ni konsideras oportunaj por profundigi la konon de la lingvo kaj samtempe diskonigi ĝin inter junuloj. Ni ankaŭ kunlaboras kun katalunaj kaj internaciaj junularaj asocioj kaj organizas Esperanto-kursojn por junuloj, precipe en la universitatoj. Krome, ni kontribuas al la kreado de kulturo en Esperanto kaj pri Esperanto pere de eldonaĵoj, revuoj kaj aŭdvidaj enhavoj.

Fine, indas substreki, ke ĉiuj niaj agadoj estas realigataj senprofitcele.