Programo

Vendredo la 24-an

Ekde la 13:30 la Gastejo permesas al ni komenci lasi valizoj tie, do kiam homoj alvenas ili povas lasi sian pakaĵon tie kaj ekloĝi en siaj ĉambroj. Kiam la pakaĵoj estas lasitaj ni donos vin la kongressako kun la informoj kaj donacoj. La tagmanĝo estas libera por ĉiuj en la centro de Manresa. Ni planas, ke homoj alvenos posttagmeze do baldaŭ antaŭ vespermanĝo ni faros la oficialan bonvenigon nome de KEJ, ankaŭ nomrondon kaj ludojn por ekkonatiĝi nin pli bone. La vespermanĝo komenciĝos je la 20:00 kaj precipe estos kolbasoj, omletoj kaj komune alportitaj manĝaĵoj. Je la 22.00 ni organizos vingustumadon de la Devennomo Pla de Bages por konatigi katalunan vinon al eksterlandanoj.

Ekde la 23.00 ni estas informitaj, ke vi ne povas fari agadojn kiuj implikas brui kaj je la 22.30 la pordoj de la gastejo estas fermitaj.

Sabaton la 25an

Matenmanĝo komenciĝas je la 8.00. Ni eliros el la gastejo je la 10.00 por malkovri la historion de akvo en la urbo, kiu finiĝos kun vizito al la Muzeo pri Akvo kaj Tekstilo, gvidata de Krishna Sivillà. Li estas membro de la LKK kiu laboras ĉe Parc de la Séquia, organizo kiu promocias la gravecon de akvo kaj la heredaĵon ĉirkaŭ la Sèquia de Manresa (hidraŭlika inĝenierarto de la 14-a jarcento kiu ankoraŭ provizas akvon al la urbo kaj granda parto de la regiono). La vizito estos en Esperanto.

Pliajn informojn kaj aliĝon vi trovos ĉe la sekva ligilo (la vizito estas senpaga por kunvenaj partoprenantoj):

Sur la reveno ni promenos ĝis fajrejoj (barbacoa) Mas Portell, proksimume 40 minutojn de la Muzeo kaj proksimume 20 de la Gastejo.

Ekde 12:15 pli-malpli, ni komencos preparojn por servi tre katalunan manĝon: la calçotada. Se la vetero estos sufiĉe favora, ni povos montri ĉi tiun riton tiel unikan por baki kaj manĝi junaj cepoj. Estos opcio kun viando kaj sen, ambaŭ je prezo de 15 € (14€ por aliĝintoj a la RenKEJtiĝo). Alveninte al la gastejo ni disdonos biletojn por la calçotada (kiun vi devos aparte pagi). Ni atendas, ke ĝi finiĝos je kvarono antaŭ la kvina (16:30 aŭ pli), ne sen antaŭe fari komunan foton kun ĉiuj partoprenantoj de la RenKEJtiĝo.

Aliĝu tie:

https://docs.google.com/forms/d/e/1FAIpQLScS9eiRbJgfzMPOLCoGBm4Unj8VO65Lk6iAnAcjqbTITjPiyA/viewform

De 17:00 ĝis 20:00 okazos kursoj de Esperanto (por komencantoj kaj meznivelanoj).

Vespermanĝo estos en la gastejo mem kaj okazos de 20:30 ĝis 21:30. Post la vespermanĝo okazos tipan eventon de Esperantistaj junularaj renkontiĝoj: la trinkomanĝa nokto! En ĉi tiu kazo, ĝi estos dolĉa trinkomanĝa nokto, sed la dinamiko estos la sama: lokaj kaj tutmonde partoprenantoj alportas iom da manĝaĵo kaj trinkaĵo (ofte alkoholaĵo) tipaj de kie ili venas. La LKK pensis, ke estus bona ideo fari ĝin nur dolĉe, tiel la vespermanĝajn desertojn estos farota kune, neformale kaj amuze.

Ne forgesu kunporti manĝaĵojn kaj trinkaĵojn tipajn de la loko de vi devenas!

Dimanĉo la 26-an

Matenmanĝo komenciĝas je 8.00 kaj finiĝas je 9.30. La gastejo petas nin forlasi la ĉambrojn je la 10:00, sed ili permesas al ni lasi niajn pakaĵojn ĝis ni volas foriri. Je la naŭa kaj duono komenciĝas la kursoj de Esperanto laŭ nivelo kaj por tiuj, kiuj ne havas kurson, ni ankoraŭ organizas atelierojn kaj prelegojn. (Ni informos vin baldaŭ).

De 10:30 ĝis 12:30 ni vizitos unu la plej emblemajn lokojn en Manresa: la Groto de Sant Ignasi kaj/aŭ Carrer del Balç.

La Groto de Sant Ignasi estas, kune kun la Seu, unu el la plej vizitataj lokoj en la urbo. Krome, ambaŭ lokoj estas pilgrimlokoj kaj gravaj centroj de spiriteco, precipe por la jezuita komunumo. Ignaco de Loyola piediris de Montserrat ĝis Manresa en 1522. Ĉi tie li pasigis dek unu monatojn, tempo de granda graveco por lia vivo kaj por la nasko de la Societo de Jesuo. Lia privilegia loko de preĝo estis la Groto. Ĝi estas natura truo (bauma) ĉe la Cardener-rivero, elfosita pro la rivera erozio dum la Terciara periodo. La sperto vivita ĉi tie por Sankta Ignaco estis la origino de lia libro Spiritaj Ekzercoj. La plafono de la kaverno memoras la stilon de la Kataluna Renesanco. Josep Llimona simbolis, per du bronzaj anĝeloj, la preĝon kaj pentofaradon, kiujn Sankta Ignaco faris en ĉi tiu loko. Sur la planko, ĉio mozaike, ni povas vidi la blazonon de la Loyola familio, kanonon kiu memoras la vundon de la sanktulo kaj grandan sunfloron kiu simbolas la koron de Ignaco malfermiĝanta al Jesuo.

Lokata en la kromkonstruaĵoj de malnova nobela domo, la lerno-centro Carrer del Balç permezas vizitantoj vidi kiel estis Manresa en la 14-a jarcento. La vizito baziĝas sur rakonto centrita sur la figuro de reĝo Petro III la Ceremonia. Carrer del Balç (Balç Strato) estas grandioza ekzemplo de mezepoka kataluna urbismo. La strato estis la kerno de la mezepoka grandurbo, situanta ĉirkaŭ la nuna Plaça Major. Kun mallarĝa kaj kurbiĝema aranĝo, la strato adaptiĝas al la profilo de klifo, kun diversaj ŝanceligitaj niveloj. Unu el la plej specialaj trajtoj de tiu ĉi spaco estas ĝia kovrado, kreita de la verandoj konstruitaj inter domoj, fine de la mezepoka periodo por profiti la malabundan spacon kiu estis en la murita urbo.

Profitante ke estos manĝbudoj ĉe Fira de l’Aixada, ĉiuj povos manĝi kion oni volas kaj gustumi produktojn de lokaj kuiristoj kaj produktantoj.

Je la 16:00 ni planas komenci foriri de Manresa (ni scias, ke estos homoj kiuj devos preni aviadilojn, trajnojn, ktp.). Tial, la Ĝiso komenciĝos de la kvara horo.

Por tiuj, kiuj devas preni trajno Rodalies al Barcelono, estas la R4 kaj R12, kiuj pasas je 4:00 kaj 4:30 p.m.