En la Asocia Foiro de la Kataluna Landaro

Kataluna Esperanto-Asocio starigis budon la pasintan 11an de septembro en la Asocia Foiro de la Kataluna Landaro okaze de la nacia tago de Katalunio, la 11an de septembro. La foiro celas grupigi ĉiujn asociojn de la lando kaj en ĝi okazas prelegoj, koncertoj kaj ĉiuspecaj aranĝoj. Malgraŭ la pluvo, pluraj personoj vizitis la foiron, ĉefe matene.

La ĉefa celo de nia ĉeesto en la kataluna asocia medio, estas informi pri la komencontaj kursoj de Esperanto. Tiusence, ni pendigas afiŝojn en strategiaj lokoj kaj publikigis reklamon en retĵurnalo Vilaweb.