En Printempa Semajno Internacia

La pasintan paskon, kvar katalunoj partoprenis en Bonn la Printempan Semajnon Internacian (PSI), la ĉiujara renkontiĝo de la germanaj esperantistoj en tiuj tagoj. Mauro, Xavier, Àlex kaj Maria José sukcese partoprenis ankaŭ la kurson por komencintoj gvidata de Àlex Humet.

Ili ankaŭ partoprenis aliajn aktivaĵojn kiel ekskursojn aŭ atelierojn. Ili gustumis la germanajn bierojn kaj konis interesajn homojn. La loko estis bela, ĝi situis en la urbo sed en arbara naturo. Eblis ludi kun infanoj kaj familioj kaj ankaŭ legi kelkajn librojn en Esperanto.

Tamen, la plej grava celo estis plibonigi la internacian lingvon, kaj tiu celo estis sukcese plenumita.