Enric Baltasar elektita nova TEJO-estrarano

La 11-an de aŭgusto 2016 demisiis Ariadna García Gutiérrez pri sia posteno kiel estrarano de TEJO.

Unu monato poste, la elekto de Enric Baltasar kompletigas denove la estraron. Laŭ informoj de la TEJO-hejmpaĝo partoprenis la voĉdonon 18 homoj (el 32), 16 favore, neniu kontraŭe kaj du sindetenis.

Ĝis nun Enric estis komitatano B kaj respondeculo pri nacia agado en Eŭropo.

Ni elstarigas, ke alia membro de Kataluna Esperanto-Junularo (KEJ) estas la nuntempa prezidanto de la organizo, nome Michael Boris Mandirola. Male al UEA, TEJO agnoskas KEJ kiel nacia asocio samnivele al la franca aŭ la hispana, ekzemple.

Jen la ligilo al eta intervjuo kun la nova TEJO-estrarano.