Kursfino en Barcelono

La lernantoj en la barcelonaj kursoj de Kataluna Esperanto-Asocio festis pasintmarde la kursfinon 2013-2014. Dum tiu lasta lernotago, la grupo de komencantoj, gvidata de Viktoro Solé, kaj tiu de progresantoj, gvidata de Xosé Conde, kuniĝis en lasta sesio kie ili kunmanĝis kaj kuntrinkis en la internacia lingvo.

Ili poste iris al la trinkejo de l’ CAT por renkonti la konversacian rondon kiu ĉiumarde tie kuniĝas. Ili formanĝis la restantajn kukojn kaj dolĉaĵojn kaj praktikis la lernitan Esperanton. Ni esperas, ke ĉi-somere ĉiuj havos la okazon esperantumi internacie.

La konversacia rondo daŭre renkontiĝas ĉiumarde.

Fotoj de Marta Moliné