Senlima estonto ne temas pri imperiismo

Antaŭ la lastatempa institucia kampanjo en kiu la kataluna registaro prezentas kiel prioritatan mezuron “pli da instruhoroj pri angla lingvo por senlima estonto”, Kataluna Esperanto-Asocio kaj Kataluna Esperanto-Junularo volas esprimi nian maltrankvilon kaj malaprobon pri tiu orientiĝo de la lingva politiko. 

Niaj asocioj, kiuj bazigas sian agadon je la defendo de lingvaj rajtoj kiel nedisigebla parto de homaj rajtoj, konsideras ke tiu propono estas lingve malekvilibrita kaj socie maljusta. Promocii unu solan lingvon gravan kiel solvon al internacia komunikado ne forigas landlimojn, male ĝi plifortigas malegalecon kaj lingvan imperiismon. 

Senlima estonto vera ne povas bazi sur la trudo de unu lingvo, sed surbaze de la respekto  kaj promocio de lingva diverseco kaj egaleco de ĉiuj lingvoj.

Tiusence, ni volas memorigi ke en Katalunio ekzistas aliaj urĝaj prioritatoj pri lingvaj aferoj ne allaseblaj: 

• La kataluna lingvo, la loka nacia lingvo, troviĝas en situacio de maltrankviliga retroiro en diversaj sociaj medioj. Nepras decida politiko por plifortigo kaj normaligo.
• La kataluna signolingvo (LSC) devas esti garantiita kiel instrulingvo por la signolingva-komunumo. Oni ne devas daŭre trakti tiun komunumon el asista vidpunkto anstataŭ plena agnosko de ties lingvaj rajtoj. Krome, estus dezireble ke la tuta civitanaro havus la eblecon aliri al ĝia lernado, por rompi enlandajn internajn komunikadajn barilojn.
• La okcitana, oficiala lingvo en Katalunio, kaj eĉ pli minorigita, bezonas urĝajn mezurojn por ĝia promocio, diskonigo kaj transdono.
• Laŭ nia vidpunkto, la ideo pri “senlima mondo” nur havas sencon se la forigo de lingvaj bariloj okazas laŭ respekto al multlingveco, tute ne laŭ la hegemonio de unu nura lingvo. 

Tial, ni insistas, laŭ nia principaro, ke

• Neniu lingvo estas pli taŭga o aliia.
• Lingva diverseco estas konservenda riĉaĵo.
• Internacia komunikado devas baziĝi sur egaleco, ne sur trudado. 

Tial, ni defendas Esperanton kiel internacian neŭtralan lingvon, ebligantan egalecan komunikadon inter diverslingvaj homoj sen damaĝi nenies propran lingvojn. Tiu elekto, male al anstataŭo de ĉiu ajn lingvo, favorigas lingvan ekvilibron pli justan kaj daŭripovan.

Fine, ni instigas la Katalunan Registaron al revizio de siaj prioritatoj kaj al starigo de lingvaj politikoj cele al socia kunteniĝo, lingva justeco kaj konservado de diverseco.