Viktoro Solé ĉefprelegos en Edinburgo en 2017

Venontjare nia asociano Viktoro Solé estos la ĉefpreleganto en la 98-a brita kaj 112-a skota E-kongreso, okazonta de vendredo la 19a de majo ĝis dimanĉo la 21a.

Viktoro instruas muzikon en Conservatori del Liceu kaj Esperanton en Barcelono kaj en Somera Esperanto-Studado en Slovakio. Li publikigas artikolojn sub la rubriko La blaga blogo en la revuo Kontakto. Li prezentos du prelegojn dum la kongreso:

– Kial mi ne ŝatas la muzikon de La Espero

– Mansignado por Esperanto

KEA gratulas al nia asociano kaj deziras sukcesplenan kongreson al Esperanto-Asocio de Britio kaj al la Esperanto-Asocio de Skotlando.